سلوان المحمداوي

هبط معنه الشعر والصوت ضل يصعد
وابيات القصايد صفت تتقصد
احساس الشاعر اتقيم ابنبرة صوت
وانه رايد قصيده لشعبي تتخلد
اليجيب وياه شكل لعيونه يقره ابيات .!!!
وايوصف الشفايف بالجزر والمد ؟
واضح والحجي اموضح المقصودين
بابياتي ولهسه انتظر منهم رد
يل تصيحون واتكتبون لل…. ماكول
دفهموني القصيده منين تتولد
ادب شعبي ونقص بي صار بالآداب
وجف اخلاقكم دنك لطاري الخد
مو كلكم بعضكم .. ولو انتو هواي
حافضكم ولكن اتعب امن العد
اليندل الشعر يضحك بهيج ابيات
والصفك لهيج ابيات كلبه ابيات كلبه ارمد
التوارد منوجد ماعندي بيهه اشكال
بس عيب بتوارد بيت تتعمد
كمت كل بيت اسمعه الكاله 9 ابيات
وافتح عقلي والكه الاصل مستورد
استحي امن السابقيني بجيل من يحجون
ويدرون بشعركم واصل لهل حد
سوء المفردات .. وسوك اليصفكون
واهل الله يخبل ….. صفت حل وشد
وجماعة اتشر الابيات … مال اشعيط ؟؟
وربع علقلي حته الناشره .. يصعد !!
همه التفهو معنه الشعر للناس
وكالو على الابيض صار لونه اسود