زامل سعيد فتاح

مشيت وياه للمكير اودعنة
مشيت وكل كتر مني انهدم بالحسرة والونة
و على الرملة……..
بضوة الكمرة
يناشدني وانشدنة
اكلة تروح……….؟ وكليبي
بعد بيمن اهيدنة
بجة ودموعي لاكنة
بعد وعضاي زتنة
و يوميلي بطرف جفيتة
من بعيد اشوفنة
و صاح الريل
و انة وياه
يعت بية …واعتنة
يجرني بحيلة ويصوفر
وانة معرد واجرنة
ذمة بركبتك خلني ولك مشوار اشوفنة
ولك يا ريل لا تبعد
ولك ولفي واريدنة
وجزاني يجر فراكينة
ومامش حيل اردنة
واظل ارفس رفيس الطير
ادين زغار الزمنة
واهومش ما دريت منين
جدمي وين انكلنة
واحط كلبي على السجة بلجي الزين يسمعنة
و على الدلال موش السجة
مشى الريل اهيسنة
واظل مناطر السجة واعد محاط للبصرة
ها ..تل اللحم وصلوا….
جزو…….؟
نام..؟ وهدل شعرة
ولك يا ريل لا تكعراخاف تفزز السمرة
وارد للناصرية اردود مخنوك الف عبرة
ويراويني النخل موكاف حبنة وطيبة العشرة
ويكلي اصبر
شهر ويعود
والمفطوم شيصبرة