علي نجم
وصلني الحجي اوشكرا عالطعن ممنون
ماقـــــصرتو ابـــــد لمــــن طعــنـــوتني
ابخنجر ماله راعي اوراعه ضهري اهواي
بحيث اتشمتت من طعنته امتــــــونـــي
لابسكم هـــــــــدم للستر واكشخ بـــي
كفو منكم اوكدهه انتم لبستـــــــــونــي
الي كاع الله كلهه او مـن اطيــحن خــــير
مطر واهل الـــــزرع كلــش يحبــــــــوني
وانا شـــيخ اوفراضـــه اوصدر بالـــديــوان
اودواوين او وشــيوخ الكلفه يريــــــدونـي
ابو جلمة هـله واســأل عليه ابليـــــــس
مارجــعت ذنبه ابخـــــزرة اعيـــــــــــوني
اليامني ابعطــــش امــــنته يــم عبــاس
اليضمني ابنص جفن ضميــته بجــفوني
اورســـمناك ابدربنه اسمعكم اتصيــحون
واكول اشـــــكد خطيه اشكد يحبونــي
بس هسه اعرفت نيتكم اشـــكد عيـب
قصدكم رروحه جيه انــتم تدوســــونــي
الي عزة مــقاتل بالحــــــــــرب لو طـاح
يموت او مايصــــــــــيح الربعه شيلوني
وانا شوك الصحاري الينبت ابلا مــــاي
نهركم يمي بس ماصيحن اسكــــونــي
وانا جلمة -سلــــــف- وانقرت بالمكلوب
قريتونـــي – فـــــلس – وبفلس بعتوني
