علي المحمداوي
شهكتك والهوة تيهتة وشتم بيك…
وهوة غيري لكيت بريتك تشهكة….
موبس الخبز كاسمت نفسي وياك…
بحجة اللعب جنة نقاسم الشهكة….
علة وهاس كفاك عيوني اخذها الشيب…
النسة وجة اليحبة تذكرة الشبكة..
تعال عيوني سدها تعطل الدفان…
فضلك بي نقص بس الجفن طبكة..
موطك سني طك اعضامي مابي صوت..
وصارت طيحتي جن طيحة الوركة…
ذكرتك والدمع سولف الخدي سنين..
وعلى طرف الجفن جن غيمة متعلكة…
الضاع بزغرة صدر امة بخيالة يعيش..
واليضيع بحرب تشتاك اله التفكة…
اليزعل واليحب يدللون هواي…
الشبه بيناتهم روحين محتركة…
المتواعد وفاتة الموعد وماجاي…
تلكة اعلة الدرب نضراتة متعلكة…
امن اسولف بيك احس بصفي تطلع نار..
وتخيل لحدمن واصلة الحركة…
اليتوضة بخجل عندة اليحب معصوم…
وساعات العبادة سوالف الفركة…
على زودك علك شديت ادي تذكار..
كلت الشافهن بصمة محب يلكة..
وسالتك عالزراك البيك اجاك منين..
كتلي امن البرد؟؟ كتلك اثر شبكة..
وياي تعاندت واني ادري كلش زين..
مو من البرد من الحضن زركة..
عرفت تخوني من صار طولك سيف…
ونسيت الخالق هم خالق الدركة…
شهكت سوالفك حجيك ترس ديوان..
سوالف مو الي ماطلعن بحركة..
تعال بداعت الشيب الطلع بجفاك…
موتدري الكبر خنكة….
الكبر من يبجي لازم مشتهي الملكة..
الهي بداعتك كافي…
الهي اتعب الفركة..
الهي سوالفة ابالي…
اليحب موبالجمر جلمات التحركة…
على طرف النفس زارع خلك بي طول..
مثل خلك امي من طاح العمر وركة..
على جفنك سهر بي حلم شابع موت…
حلم شايب مكمط روحة مختنكة..
حاجيت الخذاك سوالفي ونساك..
كتلة العفتة كلش خلصت خلكة..
كتلة اعلة البرد جنت اني المدفيك..
كتلة بشوكنة جنة الهوى نحركة..
كتلة اكلوبنه جبناها بالايجار..
شحجيت وياه كلي وجذبك مصدكة..
حلفان الجرح لوطعنة لوسجين..
وحلفان الحبيب وداعت الفركة..
كلبك جان فارغ هسة لابي خير..
جنت تحلم تحب بس هسة تستنكة..
يمر طيفك وافز بس الكة غيري وياك…
ويسألوني وكلهم كل شي ما الكة
