حسام الخفاجي
 
ضاعت ايامي جگاره بمهرجان
روحي خلصت جمره ويهفولي
انه گاضيهه بياض بلون ابوي
ضوه اسود لومتت شعلولي
سالفه المابيهه چاي ازهگ واكوم
وچاي بارد؟ افه ميصبولي
انه محظر خير اطب اعله الطيور
القاسمه الله بعشهم يعزبولي
الورد من لوني اكو بروحه خضار
يالنده اولاد النده يصيحولي
تحسب سنيني اطلع بگد المضيف
حضره والنذروا ورد يمشولي
ماي واليشربني مايعطش وراي
طعم گهوه ومره ويكيفولي
الهوه الاشتمه شرط اشرط عليه
مو تكول بريتك امشي بطولي
اكو وادم ماخذه بريتي مكان
عيب منهم ناس يرتاحولي
اسمر ومن امشي يتلاشه البياض
ولسواد عيوني يتقربولي
وغلطوا بحگي وكلت هم بيه صوچ
وهسه لازم بدوا يشتاقولي
اني اروح اعتذر واكره الاعتذار
شلون اخلي اخواني يعتذرولي
من اطب للنار طبة كبرياء
احساب حرمل گاموا يحسبولي
عاقل وماطيرت طير بضباب
طيب ومن طيبتي يطبولي
وخاف اموت بليل زتوني برثاء
لخاطر احساسي شعر ثوبولي
انه من اصعد منصه اترسهه ماي
وچنت اسافر وين مايقرولي
والله لوبيدي. احرم المهرجان
اني ابجي اوادم يصفكولي