عماد المطاريحي

العش مو حطب
خل يفهم الحطاب
العش بيت شرعي وساكناته طيور
وأحيانا يضم عشاك متصافين
أحلام
وأريكه ونافذه اعله النور
اعله غفله من الزمن لن بيتهن مهدوم
والغصن اليشيله من الاصل مبتور
الدستور
منقوص اعله هذا الحال
الحقيقه العشگ لازم ينكتب دستور
العصافير اعتراض الهن اعله الحطاب جاب عشوشهن
ونطاها للتنور
أزرع كاع روحك رازقي ونسرين
واشتلها كصب من يشح ماي الهور
وافطم منجلك لوراد يحصد غيم
واكسر منجلك لو راد يحصد زور
واخذ دمعة عزيزك واستعيره افراح
ولبسه العيد بيدك واكشخ بعاشور انشدني
العسل ماضايكه النحال القاروره بيده
والعسل محضور
من تلثم فراشه خدود زهره تنام
تسكر بالندى وتطيح بالمحذور
شارب من خضار عيونك الصفصاف
وراضع من بياض خدودك البلور
روح اشتل حياتي
بشجرة الصبير
أنا احلامي عوانس
مايهمها البور
افرشلي ضحكتك
خلي امدد كيف
وخل فيّ
الضفيره يدغدغ الناطور
تغرف روحي مني
بچفك النعسان
وتشربني خطيه وخاطرك مكسور
جمعنه المايصيرالبرد والنيران
شفتي تنث بروده
وشفتك تنث نور يقام الحد
على من لمس شفتك يوم
ويحاسب ، مثل مايتحاسب المخمور
اخذ مني دمع ماطالبك بالدين
يمته النهر راد فصول من ناعور
تدريني سليل الما يشم مشموم
ابن بيت العفاف الصاوغ الله نحور
بعد شبرين عنك والحضن ينخاك
أشم ريحة ثيابك
والكلب مسحور ياجنة عدن
يادنيه تنبت روز
ياسحر الهند واحلام نيسابور
هسه الحب حضاره وبابهة كرستال
تتلاكه المجره بكل مسيه تدور
أنا روحي ندى
وروح البنات ورود
أنا موتي ندى وكلب البنات كبور
بالك تحط روحك
دكـه للتغسيل
جثمان الفرح
مافززه الكافور