محمد الغريب
ليش اجيتي وفززيتي جروح جانت غافيه
وليش ترضين اعلة غيمي يمر ساج الصافيه
وليش فززتي الهوى
وجبتي الحنين وبقلب ميت ندهتي العافية
ليه نفختي رماد روحي
وجمريتي اشواك جانت طافيه
انة قبلج كبر منسي بلا ورد
لاذكريات لاحلم وردي وليالي دافيه
وانة قبلج جنت ترس عيوني
انام والعشك قدمت لاء النافية
ليش اجيتي
وعلكيتي اسنين عمرج على رفوف
ليش
موعندج عقل وعيون ليهسة تشوف
ليش اجيتي
ليش دكيتي اعلة بابي مافطنتي
عليه ذان النعكبوت
ليش ماشفتيني ميت وشابع من سنين موت
ماقريتي قصتي بحيطان
وجهي وصوتي كومة جروح
مايشبه الصوت
ماشتميتي التراب الي على هدومي
ولا فطنتي لحيرتي وهوسة همومي
خطوتي المحتارة ياسجه هموم
ليش اجيتي
ليش اجيتي كون دكيت
اعلة بابي قبل لا تطفي ابتسامة الحروف
من جنت باول شبابي
وجنت اعيش اربع فصول وكل
فصل البسله ثوب
ليش من جان الندى اعلة اغصاني
مامديتي شفتج ليش هسه اعلة الخشب
كامت تلوب
ليش يااول ذنب كون كل
ذنوبي مثلج جان قدست الذنوب
ليش اجيتي صحرى روحي
شلون اهي تروج ماي وشجرة
نزعها الخريف
فيايها وباكن فياي وغنوة
غاصمها طبل وتمددت بحضان ناسي
ليش اجيتي كونج اني جان ماشفتيني جاي
لان دربي زحمة وزحمة خطواتج وراي
ردي
مابيه ربى عمري خسارة
وعمري هوسة ونارة تدفى اعلة نارة
ردي كاف شمايفرغ ينترس ثاني
وخوفي تنداسين لو صرتي جكاره
ردي
يالطيب العسل ساكن لسانج
ليش تنخلطين يالحلوة مرارج
ليش اجيتي
