كاظم الركابي

  لولي على مسعدك ﺒﮔول الذي ايريحه
وشرِّع ارموﺸك هله للمعتني ابجرحه
لولي ﻠﮔطع النفس لولي لمن يصحه
أجرحني .. يمن عتبه الك .. جرح المُحب فرحه
الليل.. موش يحصد ليله يحصد صبحه
والحصو ..موش يحصِّد روحه يحصِّد جدحه
 والبحر موش ايحصِّد روجه يحصِّد ملحه
الليل طال..
وبخت عنده اليروي عينه بشمس باجر
الليل بين العين لابين الجفن
أنثر ﮔزاز ودار داير
الليل حاوَدْ وردتي..
وحشّم عليه الدود من كل اﻠﻤﮔابر
وصوتينه…
وصوتينه الصوت مايجزي الشفايف
يادفو البين البرد والحر ..نريدك وين صاير
يلفراتي.
ولاسمعنه ابوجه روجك
يوﮔف احجار اﻠﮔناطر
أضحكلي بشفاف اﻠﮔﻤر..
أضحكلك أبسن منجلي
ولاغيمة تحبس ضحكتك
ولاخاين أبتل منجلي
شديته بالشريان ..شد ويه العظم
صار العظم هو منجلي
والمنجل ابجسمي عظم
واﻠﮔلب فد دﮔه يدك
نوبه الك . نوبة الي