حسين الحبتري
عوفني…
الفشله عبايتهه الصبر
وضوگ ليل تشتهي عيونك
تشوفه ومايمر
سنين وانه السهر حصتي
شرد اكولن والكحل
فصليه ينزف للرموش الماتريده..
لاتضيع وكتك وتشعل بخور
اليدعي للميت يفيده..
مره الم روحي على گد مرايتي..
والكاني اريدك
ومره يصحه
مكاسر الكوس الغوتني بيش افيدك..
بيش افيدك..
وانه حفنه تراب منسيه بگفه الشباج
وابجيلي اعله ريح..
وانه فحطة طير مذموم بسماي
ونيتي بانيهه اعله طيح..
يشگك هدومه الورد من يطگ عوده..
وتوصل لسابع حلم كل نثيه اخوه
العافيه مسرفنه زنوده
عوفني
الحيطان عثرة بسجة اليمشون صوت
عوفني
الماي التلوحه جفوف اديك
تلبس لمكفاه بتوت..
ولوم روحك
بيه ميت باب مفتوح اعله گلبك ماخذتني..
من يدك هاون بعد بالديره خير
ولوم روحك..
