حيدر الشمس

انكشف عن الحجب واتضح مامدفون
وبين زيف كلمن يدعي الخوه
بعدهي اجفوف ادي مالزمت الغربيل
طاح اولهم الكال انه الك تجوه
افه ذاك الحجي ماترجمو وكفات
الزحمه بالنفاهه اتحولت خلوه
كلف جف المواقف نزع جم الثام
وبين جم ظهر مابيه جدم نخوه
صلاه الميت اعله الخوه من صليت
مو غلطان شفت حبالهم رخوه
وتحملت الجرح بس عبره منه اخذيت
تخلف انسان واعي مرورة الكهوه
فشله ضنونهم طبع الجبل مهيوب
مايهتم ثكل خط يحلف حصوه
حاسب خطوتي وثق انه خارج قوس
المقوله الي تكول لكل فرس كبوه
اطر صحره لوحدي بعز ظلام الليل
وماارجف وان دست بصدر لبوه
عراق وكلي مالك الأشتر من اغتاض
افحط الخيل وانه جدامي ماتهوه
الطك لو صار يظحك واهس الشاجور
وانه بروحي تظحك مشتهه القسوه
وعر مااهمله درب المعركه شما طال
عنيد وجفي كل ماثكلت يقوه
ضعف حكي خذيته المعتدي سئلوه
مالحك يفزع ناسه عالعطوه
انه ذاك اليهد بأي وجه مهيوب
وماارجع يكون الردته ماجبته
اهد صوتي لسنه من الفصاحه تهاب
نسل عربي من اسولف اله السكته
نبه وندل مجانه وحافط المرجاب
عنيد ومافهت بالسانه سالفته
بلاغه علي براسي السكته مو موضوع
وافه لو سولفيت الحجي المو وكته
وان صار وتخيل بعدي دقق بيه
راح تحس قريب الكاله علكته
من زودي انهلو حد ماحوو تاريخ
جم كاضيه واكف صدر كعدته
طشيت الثقافه اعله الجهال عيون
نتاج ابداعي فكري بكل عقل عفته
مثل ماللقلم عندي للسيف افعال
من كتلك المحتل طلع طلعته
من شفت الحرب متحاميه اعله الموت
ركضت بواهس الزفوه لصاحبته
خذيت ويه الغنايم شيخهم مكيود
ذليته وكمت بعكاله جتفته
هذه انه ظهر للخوه وانزف حيل
للي يريد والماراد ماردته
عناد ابقه لوحدي وكلش مامعتاز
جيش سيوف لو زامطني زامطته