احمد العلي

شجاني وعالسمه توازيت؟
لاجنحان لا نسمه التطير الروح
بس سولة جنح بطران
اهو عالگاع ماطاير..
ضاعت سالفة وجهي
وعلى رسومك لگيت الناس..
مو كافر
أنه بلا دين..بس انت
صلاة عيون..
أنه بعينك شفت عمرين
ماكلهن اثر حافر..
تعال استاحشت منّي..
جفاني الحيل..
حلم خربان ليش ايوازي روحه بليل..؟
صوجي وماعرفت اشرد
ارووووح ومااندار الطيف
واوصل،مدري وييييييين اسرح….
ويفز كلشي
أمد ايدي……..
أجيس الروح والگاني بعدني
 برمشك اتسرسح….