راضي الساعدي
سالم ياعراق وشامخ تضل
شعبك واحد وخسرانه الاشرار
بيك انكتب اول حرف ندري
بـــســومر وبــأكــد تشهد الاثار
الك تاريخ يشهد ماتطخ راس
عراق حسين وانت وعلي الكرار
جم عقد بعقد مر وحنه اخوان
ما نـعــرف نفرق جار اخو الجار
نسابه من زمن خال وابن خال
ايـــد بـــايـــد جــانــو ناس اخيار
عراق وداعتك فشــلو اليردون
نــتـكـاتـل بـعـضـنـه ولبسوا العار
يجمعنه الاسلام وطه الــــيكول
وحـــــــــــدتكم امان زغار وكبار
اريدنكم مثل غاد افتخر بــــــيه
ابـــهي الامم بيكم لـو حشر صار
الهي امــتي يــــــاباري الاكوان
بــجــاهي مـــــا تمسهم اطلب لنار
عراق الــخير ما يردوك ترتاح
وعــليــك تـــكالبت من عدة اقطار
بس وداعتك شعبك الــمعروف
ومـــراجعنه الرشيده انطتنه انذار
امــــــن ياوطن حراسك سباع
مــــــاتنداس ارضك ولدك احرار
مــــــــن حسين لا للذ له يكلون
ويــــــاك تعاهدو ينطوك الاعمار
ابنــــــك من يعاهد يوفي العهود
نـــــــعم الابن ابنك تدري ابن بار
لوماكو حواضن مااجه الارهاب
ولــــــومكو عميل من اهل هالدار
بــــــــس وداعتك لامايكدرون
كلها تــــــــسلحت وبعزم واصرار
الـــودولك بـضاعة قــتـل تاذيك
تـــــردالهم بــــضاعتهم يمغوار
وشرهم يرجع الهم والكثر يزود
والــــصدرلك الـــشر بــــيه يحتار
بـــــــــاجر تندحر غربانهم هاي
ومـن كــــــلمن حضنهم ناخذ كثار
