سعد الربيعي

دزلي صورة ..
حتى لو موواضحة ..
وحتى لو ظلمة الملامح ..
عيوني من تشتاگ لاحد ..
دمعة دمعة اتصارحة..
شگد چنت عطشان بيهه
وخدك اتبده اعله عمري
مابعت سر بوجنتك
هو الله الفاضحة..
صاينك حتى بضحكتي
وميزت كل دمعة منك
ماضگت بیهن ملوحة
دمعتك موناصحة
گتلي اجيك وانتظرتك
اشهگ بنسمات باچر
وماشفت عطرك وياهن
واختنگت البارحة
اعثر بصفنات جيتك
واوگف بنظرة وداعك
بالكحل ينذبح طيفي
واشتهيت الذابحة
من سألت الروح عنك
هوستلي بحيل سمرة
والگلب ماعنده موقف
غير الله يسامحه
المايحب من گلبه رحمة
واليغش بالشوگ زحمة
بین هاي وذيچ اگلک
انت شنهي الرابحه
هنا يمن رايح برايك
هلبت تصادف حسرتي
بمرايتك ماشفت شعري
الشيب مو من صالحه
حيرتني بكل صفاتك
اتقاطعت حتى المعاني
تنجمع بيك الترافة
ومفرداتك جارحة
باطل وافرضهه يمك
احچي بخت الله بشغلتي
يصير اكتبلك قصيدة
وانت تقره الفاتحة؟!
دزلي صورة
حتى لو مو واضحة.