من دمعي خذانه السيل كالت
الناس وبي اطيور اطيور كالت
مشيت الكاع اهيس هيج كالت
بألف ياعلي ردت هيج بيه.
((طالب ألسكيني))
اضم بداخلي مابين لاحاد
اهمومي ولايكضني شرك لاحاد
حود الذيب فوك الغنم لاحاد
طيوفك هيج حود تحود بيه
((نايف فلاح))
أير أحا لحدمن أظل ويرأه
عليك وكلبي شبه جفاك ويرأه
شبكه لليخطف عللحال ويراه
فقط بسثوب غاطي أليلد أليه .
((كريم ألشويلي ))
شبه ملدوغ حيه وضاع عشباي
ترادت والنظر من وكت عشباي
هجرتوني وبناله الطير عشباي
اليطب يسمع صدى الينحان بيه .
((مهند البدري))
نسيج بيوت بدلال طر باه
بجفاك وكلبي يسله بنوح طرباه
كما بيت الله مايلحم طرباه
ومحمد مثله سبع اظعاف بيه
((عادل حبيب))
نفذ شوكي وكطع ياحف حبله
وحرت حيره ابن رعيان حبله
بنت شيخ ومصيبه أنوب حبله
وعمامي رجاج ويلومون بيه .
((كرم السراي))
اهم الغروب واسهر ليل ويطر
الشفاك ونومي عنده جناح ويطير
سكن بيه جفاكم سيف ويطر
شما زنجر يسنه الشوك اليه
((محمد الجوراني))
وحك الي اخوته بير هملو
علي حته الشماته الدمع هملو
طحت يمك دستني شبيك هملو
يهودي جان كلب رف عليه
((ضياء الرويمي))
ابستر روحي انهبت لكن شهرها
الجفه ولينكرانيابه شهرها
خوف أم نغل من يجبل شهرها
خفت وشتد رعب فركاك بيه
((كامل النوفلي))