علي الحسناوي

والله ندمة مات جو الكاع
حبك من بعد ماجان نجمة
وشرجي صار العمر بعدك
يل جنت بايامي نسمة
احنه سبحة وطش خرزها
وما نرد هيهات لمة
دنيا جذابة ووكيحة
وهالوكت ما عنده ذمة
واني حزني ال جان جاهل
من هجركم صار زلمة
والله ندمة
بيه صرت انسى اسمي
وما نسيت بيوم اسمه
وروحي بيني وبينه صارت
لاهي يمي ولا هي يمه
شما اريد الزمها عنك
روحي ما تطيني لزمه
والله ندمه
حصدو ابستان وردك
واني حسره علي شمه
وكالو المقسوم يحصل
وانتظرتجمعنا قسمه
ولو سمعت اجدام مرت
كلبي فرفح وكال جدمه
والله ندمة
حسبت يذكر محبتي
وبالبواجي عيونه تعمه
ومن ينام بغير حضني
يصير تابوت على جسمه
بطلت عيونك بواجي
ورضت باشفافك البسمة
والله ندمة
شمعي نورته بطريقك
وانت شمعاتك مظلمة
وكلي يا نوم اللي انامه
ويا حلم كلي اللي احلمه
كافي وانساهم يا كلبي
ذوله مو وجوه نعمة
تكتب بدمك رسائل
للي ما يسوا كلمة
وبعد لا تحمدلك احد
تالي هم تحتاج ذمه..