حيدر الشمس
باعني اوكت العسر ماعفته عيب
عربي نشمي بشاربي ولاذت مره
كال اخوك وكتله عد عينك كفاي
كام حط بظهري واهس خنجره
بجفه يجرح جفه من جهله الغشيم
من اديهه الكل عكلهه مشمره
جان ماشم الورد واحد غريب
لو مثل عثمان لازم سيطره
بالمبادئ صاحت الوادم مزاد
والاصيل لهسه ماهد ساتره
واعدت جف الفلح والجلمه دين
واله اجيب الشمس لو بالاخره
اله اخليهه السمه تعج بالحمام
والبلابل تترس عيون القره
الزحفت لصوب المدن ترستهه خوف
من حجه الشاجور ردت ليوره
بخلكي جايبلك ربيع من الجنوب
الورد للبستان مو للمكبره
العوجه من شفناها ماجت للطريق
خذت بينه التفكه دور المسطره
وشدت اوزار الحرب وبلايه خوف
فتنه دورنه الثكيل انسامره
هيبه ماطخينه راس ومانهاب
نطرب اعله الزود نشري مشتره
احنه ولد الماغفو يوم اعله عار
للشرف واحدنه قدم منحره
كاع من كاعي خذو لا والحسين
اله اجيبن كل خوات القاهره
عالسواتر ماغفت شيبة حبيب
وجمرة المجنون لسه موجره
هاك جس اكلوبه زبر الحديد
من اليريد يصدنه نرجو المعذره
الف كافل للخبز زفوه شهيد
ولسه زود ام البنين موزره
احنه ناس اعنادنه بجه الرصاص
نركض اعله الموت مانلزم سره
دور وشوف الفعل تلكانه خير
بمهرجان الموت جم شاطر قره
زورهه وشوف المكابر جن عكاظ
شوف جم ديوان بيهه المكبره
المهدي من شاف الصور كلهم شباب
ابتسم كال البصره دامت شاعره
دامت البصره تسر وجه الحسين
وللنصر دايم ظهرهم كنطره
