كاظم اسماعيل الكاطع

اجن طيرين حطن فوك حايطنه
من شايف صفنة الطير
كل مخلوق اله صفنة
من شايف حزن الطير
من تصيبهن محنه
جبنه الماي عافنه
جبنه الزاد عافنه
فتحنه الباب بالعتبه
بجن جا وين صاحبنه!!   
بجن جا وين ثالثنه!!
ثالثجن يالطويرات صار اطوير بالجنه
اجه صكر المنيه بيوم عاصف
شاله من عدنه
جفلن هالطيور وصفكن الجنحان
وصعدن للسمه بونه
جفلن هالطيور وصفكن الجنحان
شافن صكر تبعنه
صعد صعدن….رعد رعدن
جرحهن مدري جرحنه
حجن وياه حجي بلا خوف
شعدهن حجي ابهل اليوم كالنه
انته الخذت ثالثنه
انته الخذت صاحبنه
تلاشن بالسمه وضاعن وبعدن عن نواضرنه
ولا ندري الصكر هوه الكتلهن
…..مدري كتلنه
بس شفنه الدمه
 والريش ينزل فوك حايطنه