جواد الحمراني
انطيني وقت بين الرصاصات
لحظة ما أجن يردن اعدامي
أشهد لا جريمه .. غير الأسلاف
واشهد بالخليفه أول حرامي
واشهد يا سعر مشتري التاريخ
واستعرض سقوط اشكد اسامي
واشهد يا خليفة قبل الحسين
جان ايصيح .. اشياخي ؟ وعمامي
انطيني وقت كد رمشة العين
أفك عيني …. وأشوف حسين ضامي
انطيني وقت كد لمعة السيف
اسلم علة حسين ايرد سلامي
وانطاني وقت في شد العيون
وكبل الاعدام سمعني اتهامي
شيعي ؟ ورافضي ؟ ومغرم بالحسين ؟
وصنف دمي … طلع (حيدر إمامي)
