عدنان البركي

اليوم املخ كلوبكم
اليوم اعلمكم شنومعنى الحجايه الصافنه؟
اليوم اشوفكم شعرشايل بروحه اوصافنه
من خظرت وياي اجت عكازتي؟
شايب ولكن للمهد..ياعازتي.
(بالمحلقو)العب وبيدي اجنازتي؟
صاحت ياعلي امي وطحت رجال!!
جبيرومن(اباطه)امبين الشيب.
ابطن جفه وشم فركاس(مسحاه)
ويافركاس جنه اثارتعذيب.
وجهه تكول..كاغد..بيدمغتاض؟
وصعب جرح(الكواغد)؟.بيمن ايطيب؟
وجرعيت العازه
واكبرحلم بالروح قطعة بازه..!
وخرخاشته..
ون المطاحن والجرش.
(تف)امداج العازه..
ماتلزم رحاي بس يمنتي تلوح..اطحن بنية روح مامش بعدروح
وكبرت العازه لمن صارت مره
راهيه بطولي اعله راسي اموزره
وعشت حرمان القلم والمسطره؟
راحت بنفسي (يرزلني)معلم؟
يمه..يهدوم الطلايع
حسرتي اعليهن
(مثل ام ولدغركان وبره الشرايع)
كلمن دروسه وياه بس درسي ظايع…
ردت اشاركهم .يبه.برفعة علمنه
لكن اشبيدك.يبه.وكتك ثلمنه.
جتال وكتك يا.يبه.
بالشرف ..كافي..سلمنه
وكبرت العازه لمارادت رجل
ورادت اكلاده وتراجي.
وفوكهن رادت..حجل..
ورحت جبتلها تراجي امن الثريه
وبيدي جبتلهاكلايد موكلاده
سلاسلهن ماي واليرات وردة رازقيه
والحجل.بيدي خمشته.امن الشمس
وكت ماحطت عليه المغربيه
وبده ليل العازه وتسودن عرسها..؟
وراودتني من(بلاعيمي)لماغرست ضرسها..
كلت صدري
أوصلت الكلبي احسها
(حبلتني)..!.؟العازه توم
انه اول رجل يافشل~حبلاه~
بوكتي وسرجنيني انكطع~حبلاه~
الفرج.ياسامعي ينوجد~حبلاه~
اشتله وبلكي يطلع فرج ليه…
فرج..لوعرفن ابو.جا.شتميته.
خظرت صفصاف من كدماتنيته.
وحتى ملتني (زواغير)العراق!
من كثرمادوريته
فرج..من .هجي.امن ابوك
فرج .جا.هلبت يمربيك الحصار.
وبلاعيمك..(يحرجم)يافرج خبز..الكفار.
غمسينه المامش .بطول النهار!!
احاه…يالزرك.
كام ..يتمغط .
ابزوالي ظلوعنه
ويبسانه
وتعلكن
مثل التصاويراعله خدنه دموعنه
ونكسربينه الضوه.؟؟؟
ونشف ريج شموعنه
وبعدسالفتي طويله
وهاي .شوغه