علي نجم
شكد عيب استحي احجيه الكم وفشلان
طلع ميحبني خلي الجنت ما عوفه
وحلفانه جذب والعلك مدري منين
حركته وما طلع دخان بحروفه
وانه من طفت كلبه وبسته وفتريت
وعلي مو من معزه ولا من خوفه
اشتبهت بكلبه بس استغفريت اهواي
الحجر الاسود وكلبه اخوان بل شوفه
مرت نص سنه وجرحي عل طول العام
ونكت سهمه على جرحي وما رضه يروفه
اليحبني من اغيبن نص دقيقه يموت
ويشد روحه على اي تابوت اليشوفه
اليحبني ومن امره وعنده طف يلغي
ويختل بل كراب وينكر سيوفه
النورس ما يحط يم جثه اي صياد
اذا ما شاف النهرما فارش جروفه
ولدكلي اشتبه مد روحه واني اشلون
ملامح جثة الغركان معروفه
اليضم شعره لمن يكبل التابوت
بعد تحلم تشوف الوادم ازلوفه
ومعزة جف ابوي وملكه امي الحار
بحلك يطلبني ثار وحطني سالوفه
الحبل يم السجن مو حبل لا تابوبت
وبقيت لهل سبب خايف من جفوفه
وفنكم عكب تعبي اسوه بيه افلان
شلع من روحي مسلم ذبه بل كوفه
اذا بس للضحكه يسجد بكل توقيت
جا رب الدمع ياهو الي يسجدله
انطوني الهجر واخذو بلا ترجيع
هذاك الجنت حتى بأهلي ما ابدله
اريدن ذلته خلي ينزل انا هواي
سألوني وكلت ما اكتر اصعدله
بس انفض عباتي الكعده صعبه اصير
خلي يرجعلي مادام اني كاعدله
