فايق الكاطع الحسن

علمتني.. شجرة الرمان احيى ..

وروحي خضره

توكع اوراقي وتفتح ..من جديد

وتهدي ثمره

والشتا ..اوحشة غيابك..

ياربيعي..

الدوم انطره ..

والله لو تدري بغربتي

والحسب شوكي ميت ..

هم اعذره

شاف وكتي

وصبرت روحي بسكتي 

اتوسلت..اذارك يجيني

لا..تاخره

فدوه..خليها البراعم ..

تبقى حمره

والخضار…

الزاهي بكلوب القصايد

خله يقره..

ياحلم .. وكت الطفوله

وينتظر منك تفسره

استعجلت شيباتي يضون

باربعينه العمر سره

ياربيعي

ناغي لجروح الليالي

بلكي تبره

بينت ومضة بضحكتك

شنهي حجتك 

خلي غيم الوكت يمطر

هذا شهره..

فدوه ..بس اليوم

محتاجك تذكره

فدوه .. من يصير باجر

لاتفكره

هاي لحظه

البيها املت انتظاري

خلني عايشهه بخضاري

ارتوي ..وعينك تساكي

وجني ..شجره

باجر وعكبه دخلهن

عود للعايش وكتهن

شضام بيهن …من حوادث

ربك ادره.