شمم محي الدين بيرام
احترگ كل العمر
وضاعت سنينه
ما شفت منه النخل
بس دغل ببساتينه
حشت الشوك بيديني
وبست جفي وگلت
يارب حامدينه
يادمعه في هنا
هذا ولدي چاي لينه
محمل بشوك ووفه ولدي
ثمره حشاي وحنينه
بحبي ربيته وي ولفي
جاي ولدي
يا گاعي باركينه
شامه ريحه ويه الهوا
چن عثك ياس
بقطر دجله راشينه
حقچ تباهي يا تربه
سنبل محمل عشك
اندار لينه
واه يا عمري ششفت
واه يادمع … غرگتني
وعمر الفرح ما غرگينه
واه ياحطنه خبزتي
الما صفيتي
ووگت جوعي
حتى لونچ مالگينه
ما عجنتچ وگت جوعي
من طين خبزي عاجنينه
بجرغدي لفيت ولدي
من شاتنه خان بينه
واه يا قطاري الما وصل
لمحطته
انا الما يصفر قطاري
غناه بونينه
انسه يا گلبي الجره
هذا ولدي راد لينه
وصلت حبيبي زفته
عريسي بابيض ﻻفينه
يا عمر وگف ثواني
لحظه … لحظه
وينه حچينه
وين حضنات المحنه
وينه ولدي …
وينه ولدي
هلهلي ..
بصوتچ يايمه
عريس جنه
فدوه ولدچ راح لينه
