سيف قتيبة
ما تنسبي الحدبه واحنه موجودين
وي الجيش نوكف جن حبيب وخل
عل حك ما نجامل نحجي ترس احلوك
وعلى ركاب الرهاب اسيوف خل تنسل
سرجناها الشكر ولجيش كام يغير
اريد اسمع اخيول الزلم من تصهل
أضرف لا تقصر لو صرت جاكوج
وخل زنجار داعش بين اديك يحل
اني أبن العراق الأسس التاريخ
أنه الواكف الحامي الدار لا تنذل
اليحجي ابسنه شيعه كون حقه عدام
صيح اني العراقي وكاعي كاع الكل
ابدليل الدين واحد ماكو بي تفريق
انت التجتف واني الأريد اسبل
تفزع كبل لا انخاك وكت الضيج
واني ادريك وكت الشدة ما تختل
خزائن علم ألله بنص عراقيين
واعين وثقافه افكارهم تحمل
نداء المرجعية ايدك جرس بالراس
شيل اسلاحك اركض حرر الموصل
عدنا ارجال هبت كبل هب الريح
بافعاله الشجاعة يهزله اكبر تل
شتهينه الموت لجل انحامي هاي الكاع
حط ايدك بديه ابدمنه نتبلل
زماطي ويل فشك عندي ويخزرة عين
من اذكر الفاله الفشك ظل يخجل
الما سجله موقف ثورة العشرين
موقف هسه سجل وطلع معدل
منطب ميدان اخلي الدنيا ترعد خوف
اخلي الكاع ترجف من اريد انزل
يل ساسك شعير ابأيدي منجل صار
راح ابلش احصدك وحرك السنبل
فاتح صدري ألك زارع وياك الطيب
يل مصدرلي داعش بسمك مسجل
سعودية الصنع ومدرب ابعمان
ولضخلك قطر بيت اكبر المحتل
عراقيين أحنه ونبقه رفعة راس
ما يحكمنه اجرب داعشي مكذل
