ادهم عادل
گبل لا ينكطع چفه ..
حلال البوگ للجايع..
اذا راد المريض ينام
عيب يأذن الجامع!
زحمه الطفل يچفل
من اسم الله!!!!
گبل لا اصلي واتوضه
اعبّر شايب الشارع..
كون الدين ينطي لكل
ضرير عيون ميسوي
بشر ضايع!!
ادور نص جديد ودين
ما بي اي حرف جارح!!
ادور والگه وجه الله
يلالي بدمعة النازح..
الگه الشيخ باله اعلى
الفلس سارح!!
ادور دين يبقى وياي مو رايح!!!
ادور عن نبي يفهمّني الله
وياي
موضدي!!
ويعلّمني اشيل الكافر الطايح!!
ما اذبحه لان ما مقتنع بيه!!
اريد ابني وطن للناس
گبل لا ابني بيت الله!!
