شـرد اعــذرك والنـدم شــوكة بلهــاي
بيـه حــركة الـمـا سلم بيــهه انـجــوه
نــخوه حـدر الســـيف زارع مشــتهاي
يــاكتـر يخـفيــك لـو صبــري انـطــوه
ظلــمة روحــك والـشمس عتبة ضواي
وديــــرة العميــان تحــلم بالـــضـوه
يــاجليـس الـبير لاتــكـرب سمــاي
جنــحي مــاخذ دورة مـو جفي التوه؟
امــشي دربيــن اعله كل خطوه بنواي
دوســت اجدامي الجـبل بيهه ارتـوه
عيــن تحــرس عيـن ومنــاطر كفــاي
الــطاعن بظــهري اجـه بصــدري نـوه
عنــدي وكتين السهر ماعنــدي راي
اللــيل والمو ليـل بعــيوني ســــوه
كلشي فز بيـه اعله غفله بمحتواي
مـن شفت كلبي اعله دكاتك حــوه
ماعطشت بيوم جـي شمـاتي مـاي
واعــتذر مـن ريتي لـو صــارو هــوه
لاتكــابر وانــت مســتطعم هــــواي
ماكبــرت بعيــني شيطانــك قــوه
ياعليــل الطيــب لاتــوصــف دواي
وصفــيت المــو دوه بــروحي دوه
لــو كليم الـوكت جا سولف ربـاي
عندي وادي بكلبي وارث من طوه
جيــب عمرك واحفر الماضي الوراي
تلــكه بــاول يــوم بالمــوت انغــوه
