احمد معلة
لي هسه اظلن عاذرك
حبيتك وبس للاسف
خلصت عمري مناطرك
ظهرك علي مثل النهر
من يمشي ابد مايلتفت
لاداخلك لا ظاهرك
تحجي علي وسكت الك
كدامي لاكن غشمت…..ما ريد اخلي بخاطرك
ابنادم اليغرك تره
تابوته ؟؟ مدري وياجتف
يتبرع الجثته جرف
هيج اني لاكن عاذرك
شوكي عل طولي ومستحي
يندهني من البارحه…..هواني روحي وطيبتي
عرضلي والله بنص درب
كالن صديقك لا تهم…ومشينه خل انصالحه
ياصحبي كلي الك
تمشي على انمد جسر
نهرين وسوالف ظهر
لمت اهلنه وناسنه
بس اني وانت وبلعشك
ماعدنه اي واحد عرف
بس المرايه براسنه
جان اليسولف عل ورد……يستحي من احساسنه
اي عاذرك من كل عذر
جاوبت ناسك وفتخر
قابل نعاتب ياسنه
