رائد ابو فتيان
يالخليتني و بقلبي انا مخليك
بصدري تعاركن عطرك و عطابة
بين اليجيني و بين لا ميعود
و بين الخان ولفة و يوفي لاحبابة
ظنوني تكافشن بالروس بجفاك
و تكاونن راسي شي بشي يطلب طلابة
و اني شبدر مني و هيج بيه يصير
عفتني بحالة ما توصفها الكتابة
مثل الي انكسر جنحه و عافة سربه و راح
فرفح طار كوة و طيير صوابه
يفك جنحه و يهد حيله و يرجعه الروج
بعد روجة قوية و يوصل الغابة
عفتني باليل لا نجمات لا بيه كمر
اليضون بيه بس عيون الذيابة
و ترة انت العايفه ما حصل مواساة
كبل متعوفه خايب عافته اصحابه
و كام الباب من يندك يحضر فلوس
لان بس اليجدي يوصل لبابه
وحدة و ذكرياتك ما تعبره الليل
شتسوي الصورة للما شايف احبابه
طفل ع صدر امه وجاع شتذبله
هو الماتت امه شتسكته لعابة
يا جتالي البعيد العابر النيشان
شما يبتعد قوسك يقوى نشابه
حنة فاو جرحي و قلبي جف عريس
و طرشتني الهلاهل ساعة مصابة
و يمر طيفك على عيوني و فرحتي تصير
فرحة عانس و مروها خطابة
و امر اني و يبشرونك حبيبك جاي
و كتلتني البشارة بكلمة شجااابه
عيوني مغوركة و شماتي ترس الباب
كثروا و الهجر ما حاسب حسابه
دوائي يالنشد ع الحال بلعة ريج
يفتهمون ولفي مطول غيابه
عدل جرحي و ينشدوني شعجب ما طاب
و الجمنه و اكول حار صوابه
و يكولولي قديم تراب صاير بيه
و اكلهم لا جديد و بعده بترابه
و انا وردة عفيفة بلمسة اشوف الموت
و جفهم مو حلكهم طلع انيابه
لذلك كمت اشوف الباب عني بعيد
و ردت تذكار حبنا يمرني بسحابة
مثل كلمة خطية محتبس ظليت
شيطلعهه من حلوك سلابة
اقشمر روحي ترجع يالجزيت الكاع
اليتاني بلا امل يختنك بأعتابه
رحت روحة شرف ما يرجع من يروح
للعشرة و ترد بنية حبابة
