عبد الكريم القصاب

كَلبي نيّه بلايه غش ،

كَلبي للعصفور مرجوحه وعرش .

كل جنح ممطور يتشمّس بروحي ،

كل فراشة ليل تاخذ لون كَلبي ،…

وتعلا ليفوك بضفيره آمن الضوه .

آيا كَلبي ،

رش على الحلوين ، من عطر الله رش .

دنّي للعصفور جفّك ،

يحلا من يصير عش .

آيا يكَلبي ،

بكثر حبّات الندى راضي عليك .

اشكَد خلك عندك يكَلبي !؟

خلك شجره .

هيّه هيّه .

مثلما الله خلقها .

اشكَد سموم آيمر عليها !

اشكَد حمام آيحط عليها !

لا تضيج ولا تنش ،

ولا تحرّك عود عش .