علي يونس
طيبــــه بداخلـــي ودمعاتي ترس الأيد
تربيت وكـــــرهت اسوالف التنبــــــاك
واليجـــرحني …. اجرحـــه بكلبـه؟ بس بذوق؟
اعــــــوفه وخل يجـــرب خنكة اليشتــــاك !!
صعبـــــه تبـــوك روحي ؟ تبوك كلبي يجوز !
نقـــي ودكاتــــه توكـــف لو سمع بفــــراك
اذكــرك .. شو نسيت اســــــوالفك فدنوب
امروره البيـــــــــه عندك حلوه من تنضاك
تره الخلاني … ادكن بابك اسمه الشــوك
مــو محتاج ؟؟ وانتــه بظهري شوف شداك
البروحـــه نقص ؟؟ لـــو كون مــــــايملي ..
واليحبك صدك بدمـــــوعك ترجعـــــــه
المنغر بالضـــوه ؟؟ مو قصدي اغثن بيه ؟؟
بس الروحه ضلمـــه .. اتلوكلـــه الشمعه..
من اشتاك… احس بروحي مدري منين ؟؟
واليضمـــه الحجــي مكشوف بالدمعــه
كــون اتركهــا.. طيبة كلبي؟ بس يومين ؟
واسولفلك حجــي يغث كلمــن يسمعه
الضايك . زاد مالح ..خان مو مقياس
اكو عالــــم تغزر بيهم الكلمـــه ..
والــي يخـــون بيــه محالل وماهوب !!
ربي انطيــــه واحد مثلـــه ويفهمـــه
خـــل يعيش فــــرق بين جنه.. ونار..
بلحضتها يجــــرب معدن الـــزلمه
واذكر سوالف.. وابدي الوم الروح ….
جنت اشتم هوه المفروض ماشمه ؟؟
وجنت امشي ويعالم يم جدمهم موت
خيرهم تبــــــــره بلحظه من دمــــه
امن احط اذني اعله كلبك ارد اشوفه يصيح
بسمي؟؟ بأسم غيــري؟ يجـــوز يتسمه
المسولف بأسمـــه بكـــد نجوم الليل !!!
صـــارت سولته … يطش عمري.. ويلمـه ..
