محسن الموسوي
يمر طاريك وعيوني
تظل عناد ما تغفه
وآنه وصورتك والليل
والدخان يترس ريتي والغرفه
وابرد واشبگ بطاريك
مو توني
منول ماعشكتك عودت الاظلوع
بس بسوالفك تدفه
واحجيلك بعد عني
عفت بيه نقص ماعرفه واترجاك
من رحت شخذت مني ؟
من بديت بيدك كل شبابي اشلون
مامكسور كلبك كالوا ومرتاح
وبلياي متهني
واذا مابيك تسمع شوف
سافر مرة بعيوني
اليغرك ماله فرصة يصيح
ياهالناس طلعوني
وما تهتم واعرفك زين
دوم مخيب ظنوني
يكسره طولي بين الناس
كدما فشلتني اهواي كالو ماكو عنده احساس
وانه هلبت جرحتك يوم ؟
تكسر خاطري وماكول خافن خاطرك ينجاس
واجيلك راي صافي وارجع بوهواس
هاي ايدي
لوما فالهه منيدك
جا ماشلت بيها الكاس
ويجيني الليل
وافرش ذكرياتك وبظلام اختل
وخاف يطر فجر فرگاك
عالشباچ احط قمصانك وماريد خيط من الشمس يدخل
مدام بروحتك مرتاح
خلة فراكك يطول
