علي داخل
انه اعيوني اعله فكدك ذبن ادموع
امن اجمعهن يطلعن ساجيه وبير
اعيونك ليش جنهن ريج عطشان
دخل يبجن علي متكلي شيصير
اشو تهوى البعد من اليحبوك
ولهم دوم وجه وبال متدير
شنو امك يل رحت متنسيه بفراك
اريد افتهم بلا انطيني تفسير
ابقفص كاعد انتظرك صارلي اسنين
اخاف ابيوم امل او واهسي ايطير
وانت ابقفص مال ازنود رجال
تخلص الليل واعي ابدون تخدير
طولك جان يترس عيني ويزود
مثل ماهسه تارس راسي تفكير
يشبه شيله المثكوله بوليد
كلبك واني ثق فدمره يزغير
لزمو كلبي بي رادو يكتبون
على الصبوره كل ظنهم طباشير
ادري ابروحي ماغلطان وياك
ونزيه وبالعشك مابيه تقصير
لجن حنيتلك رد عوض الراح
وخليني انسى همي وبيك ماحير
وينك شعري الاسود جفنه الشيب
ونفذ صبري بعد ماريد تبرير
تجيني ابذاك ثوبك كون يفلان
العليك اشويه لمن تلبسه اجبير
خاطر لو ردت تتمشى عل الكاع
تنزل ترفع اذياله العصافير
حكهه اجفوفي من اتلزمك اتريد
لان كضت عمرهه وياك تئشير
