محمد راضي
انه عابر كبل لاتنبني اجسور
انه كبل الشموع مصاحب النور
كبل الهيبه راسي ويل سمه اخوان
عله اجفوف الشدايد عندي مكدور
اذا ماتسند احد تبجي يمناي
جن مهدوم من بيت الوطن سور
طرزت السمه بنجمات حلوات
وحريه وخفك سلمت الاطيور
انه زغير وبعد ماماخذ الدار
علمت الكواكب تعرف ادور
اذا بيه عطش يشتاكلي الماي
عله شراعي تطوف الاف البحور
اخجل للهوه لوشفت غركان
اعاتب ليش بطل ريته يزور
من اسمع هلاهل بيه خيال
يحمي اهله بشرف ويموت مغدور
اعبر كلشي لن الشايفه هواي
ماحب اليلف وياي ويدور
مختار البعد حته ابقه مهيوب
اجدي العافيه وماصير مغرور
حرام احرس الكاع والله موجود
من جاري استحي وماخلي ناطور
رسمت الناس جنه وكل شبر عيد
رغم بيه جرح ماخله دكتور
انه محتاج محد كون محتاج
واهل خير الصرايف واهل الاقصور
حته الخاني داعيله بلخير
يوفقه الله بكثر دمعات عاشور
