عريان السيد خلف
يناهي الشوك ذمٌـه وذات من ذات
وفرق مابين حالي وحالك إبعيد
سنه وصدٌك يِضَـوك الروح لوعات
ويجَملٌي الجروح جروح ويزيد
أبات إبحضن صبري إليالي ويباتْ
جرح يصحه وجرح متغصٌب إيزيد
وأكًًول إشوالف السرحان للشاه
إعله سـجٌه وكًاوداه الإيـيد بالإييد
إلك جـانت يحلو الطول جيات
عجب تبخل علينه إبجيٌـه العيد
تنينه وأملينه إجفونـٌه إبطيفْ
وصبرنه وصبـٌرينه الآه بالآه
وتحسفنه الحسافه وحيف عالحيف
على سواجي الدموع المالهن جاه
إشيصير إعله الترف لو ينحسب ضيف
إعله غفله وعيد وصل الزين محلاه
أنه بعازه الموت وحاجبك سيف
وأموت إبغير صدَّه غيض ما أريد
إلك چانت يحلو الطول جيات
عجب تبخل علينه بجيه العيد
