أحمــد السعـد
تانيتك يتيم يحاجي فرحه عيد
واعرفك مو الي وما راح تسمعني
واجيتك حالي حال الفقره عالبيبان
الفقير بخبزه وانا بكلمه تقنعني
عشت بعدك غريب واهلي ملتمين
عليه.ومااكلهم دمعي يفضخني
يلبطبعك ترافه وقسوه عد منشار
يكص سنين مني ويرد يجمعني
انطيني عقل مافكر بطاريك
وارسملي حضن بلفركه ينفعني
ودورلي درب مابي مشت رجليك
بشرط ماحس دمع تمساح يخدعني
انه كاسك شربته وانت طعمك ليل
ومكاسر سهر ولحزني رجعني
اتمايل امن امشي وانه مو سكران
جنت ادفع ذكرياتك وهيه تدفعني
اجر حسره ندم والشامت يهنيك
والف مبروك كلك حته يذبحني
عزيزه ادموعي جانت حتى عل ميتين
بكثر ما يوم عرسك والله دمعني
