احمد هادي
يمه كل الدنيا سوده…الناس سوده
الكصص سوده
وانتي جنتي نكطه بيضه تشيلها جناح النوارس
من وعيت كبال روحي
وشفتج بعيني مناره
امي يا اول عباره نكتبت اباب المدارس
يمه وين الكه مثل حضنج انطره
عود يامسك البكلبج
يحترك ويفوح عطره
يمه ماذبيتي الاسود خفتي لا تزعل الزهره
امي…
جنت اكل واشرب من وجها!!
بنظره وحده…
استعيد الحيل كله وافرش عله جروحي قوتي
امي صارت مسرحيه
المخرج البيها اشتغل نسوان اخوتي
امي جانت ماس… بس ماماس ناس
امي جانت ياس… بس مابيها ياس
امي…
(ولاتقل لهما اف ولاتنهرهما)
وانه ياربي شكثر اذيتها
انت خالقها يالهي من الجنان
وانه نار من القلق سويتها
ام تنيملي الشمس لو ردت انام
ام تخرس الناي لو حاجيتها
ام تباوعلي بجفن مابي سواد
بصحوه عن الموت ما وعيتها
الجانت تسولف نده تلم الفراش
موش الارضه الورد ماكل بيتها
يا الهي اعتذر لاكن مو انصاف
هيج ام الغيري جان انطيتها
