فاضل كريم

دفتر ذكرياتي تكلبه تقراه ؟
على خد الورق ماتلكه دمعات
ليغرك كتبت بصفحه مشتاك
نسيتك وانتهت بهواي صفحات
واذا اسمك لكيته بنص السطور
اسم ابليس كلمه بنص الايات !
الك كلبي فتحته وردتك تفوت
وكفت انته على صفحه وخنجرك فات!
ردت تمشي وكلتلك اصبر اشبيك؟
ولك دفنه خطيه احساسك المات
دفتر ذكرياتي يذكرك شلون
عشت ايام عمري وياك مأساة
مو حته الهوه برايك تمشيه
واكول انفاسي خلهه بجفك اتبات
تشد عيون ريتي بنص الكبور!
وتقنعهه النفس بصدور الاموات!!
واطول بالي وازهك وارجع النوب
ادور عن خلك كد السموات
لأن ربك عماني تغزلت بيك
ولأن طاريك مر بهواي كلمات
رجف جلد القصيده وكامت تخاف
اخلي اسمك ينام بحضن الابيات !