تحسين علي

مامحتاجهم خلهم يروحون
انه حاسب حسابي لهيجي عشرة
من زغري وضكتهه مرورة العوز
ولبست النار خاف احتاج جمرة
‏‎ حنضل ماكلت عالعشرة فد يوم
وانه واصل طعمهه لكلبي مرة
ربعي وبالصدر شاتلهم ضلوع
وماغثهم جنت ماجرلي حسرة
واحس طعم النفس جن شاهك سهام
يم ربعي واكولن عطر حضرة
وكلبي ابيض وياهم وفة لنذور
من شدو علك  بزنود سدرة 
وجنت لاغي البلم كلما يعبرون
وجتفي اعله نهر سويته عبرة
والهم فوك خدي  مخلي دمعات
وعله اثاني معزة مخلي سطرة
صرت شجرة اعله طولي اطش الفياي
وبوجهي النده يطفيله صحرة
جازوني الشلتهم تعبو وياي
طحت بعدين كالو ذيجه حفرة
ومالفو ركبتي وخسرو احبال
درو عايش جرح خنكوني بابرة
وبعد ضاع العمر مادور عتاب
الينشفله نهر شتفيده كطرة