ايهاب المالكي

اني اعوفك يا علي بس ابشروط
الكه واحد مثلك الينخاه مجاب
اوكون نايم ليلة بفراش الرسول
وكون قاتل مرحب وشالعله باب
وكون اذا مات النبي وما بايعوه
ما يجر اسلاحه ويسوي انقلاب
وكون من يصير امير المؤمنين
مو ابراتب يشتغل بس للثواب
وكون شاغل كرسي مو مشغول بي
مو مخلين فقط يملي النصاب
يل علي اشتستاهد الكالك بديل
يكدر يرد الشمس وقت الغياب
انت سر القوة عند المسلمين
بغيرك انظل اعزل ابين الذياب
ياترف لمن تجي اكبال الضعيف
عكس سيفك من يمر فوق الرقاب
الله من انطه اللي يحبونك جنان
لازم انطه ا لما يحبونك عذاب
انته محد صورك تطعم يتيم
لا جرايد نشرتك تكسي الثياب
منو اليعرف بيك من تعطي الفقير
الله يدري وكفك ويدري النقاب
البيه اتراب وظال ماجايسته ايد
يعني محد رايده بي شي يعاب
وانت يابو اتراب عكس الفكره هاي
سر محبتك يكمن بهذا التراب
منو مثلك حتى رايك عند عين
وجانو ايلقبونها ابعين الصواب
الحاربك ما قاري صفحه من الكتاب
وجا سوالك اذا قاري الكتاب
انت بالمحراب من تهوى وتطيح
باجر اترد توكف ابيوم الحساب
ومانتيهك واضحه اوصافك اكيد
زايرينك ونعرف لون القباب
حتى لو تيهنه هم نسال عليك
ماكو غيرك حيدر وصاحب مصاب