علاء الماجد

اتعطشني بسموم الكيظ واشفافك نهر
وشوكي الك ليل بسواد اعيونه مدفون الكمر
 وعشكك عذاب وضيم وآهات وقهر
بس كلبي ينتظرك تمر
 فلاح يترجه المطر
 شاعر وجافاه الشعر
 رسام والالوان بيده تحولت نار وجمر
 بحار ماعنده خريطه وبوصله
 ونجوم ماكو بالسمه
 واعيونك السوده بحر
 ايوب يصرخ ياصبر..
والله مل مني الصبر
 شيصير لو مره تمر؟؟
شيصير لو مره تمر؟؟
ويورد الريحان والقداح
 والجنه تجي لداري العصر
 وتفزز عطش روحي عصافير الصبح
 حلمان ابقه بجيتك يمته؟!
يمته تدك الباب ويشع الفجر؟!
مو خلص يفلان العمر ..
والله وحك عيناك خلصان العمر