ضياء الجاسم
علي قوة محمد هيبة تدرون
علي اشرف سياسي وكال مانام
سهرة بطن سهرة يخلص الليل
اشلون ايكول اغفه وعندي ايتام
مانوصل عتبتك يمكن اسنين
حيدرنه علم يا روح الإسلام
ويوجه الحسن ويوصي الحسين
اي حضرو القوافل قوة للشام
علي عيشة أمة بحلم طاريك
انت واهل بيتك عشتو صيام
يا راية وترفرف يوم الحروب
مانرفع علم حيدرنه الاعلام
علي بوكتك شكلك ماكو تفريق
ﻻن قانون عطفك يشع عالعام
تعال وشوف بعدك شنهي مولاي
تعال وشوف شنهي انواع الاحكام
كل اربع اسنين انجدد الاه
وكل اربع اسنين انشوف ظلام
اول مايرشح يحلف ايصون
ويملينه سوالف احنه خدام
ومن تصير بيده يفتح اجروح
ويقسم الشعب اي كومة اقسام
علي جيتك نريد اشوفه اشلون
جن واحد بريء وطاح بعدام
