حسين محمد
العين تشبح علضوه لمن يفوت
وانا علجناز ظل تشبحلي عين
منين اجيبلي نبي ويمسحلي راس
وكل نبي يمر بيه ماعده ادين
قبله ﻵحلامي جبت باجر يجيج
بروحي اصبر وادري باجر ما يحين
العده حسبه وي الكمر ليله طويل
الصاحب النجمات تلكه بذمته دين
بروحي بس عاشور كبع عمري ليل
بروحي حسرة تربه ما خاوت جبين
بروحي ونة مثكله و غربة اسير
بروحي وحشة كافر بنص مسلمين
روحي ماتهوه السفر بس سندباد
عايش بروحي يدور علحنين
سجه روحي منيلج والريل اجاج
يسحك اعله ضلوعج وشايل ونين
اليصلب عيونه بسمه ينطر جواب
وانا طك بخلكي عشب اليائسين
الروحه تستاحش بشر ينوي الرحيل
وانا روحي ستاحشت من امشي وين
صلت جروحي علي خلكي طويل
انا اول عايش بنص ميتين ..
الكاع ما تهوه الفلح وكت الحصاد
تعرف يجازي الخضر منجل حزين
ويا فشلتي اعله المحطه ومن افوت
الناس تشبك وانا اتاني مسافرين
الراحو بسجه التودي وما تجيب
مني راحو والرحل واهس سنين
الماي لا لون وطعم يسمه ماي
من يطيح بكاع ينذم واسمه طين
مدري شمسوي وعلي دهري يجور
والله مو انا السحك ضلع الحسين
سجني مابي حايط وبابه جبير
انا سجاني دهر وانا سجين
