حسن جاسم العبودي
محتاجك يبوية وارد اشوفنك
يا ابني وصديقي وكلشي بدنياي
الف وسفة المنايه عني بعدنك
اجاه العيد واريد اسامر اني وياك
وتشم عطري يبويه واني اشمنك
كليجة العيد سوينه
ويعجبني يبويه العيد اوچلنك
تنشدني على احوالي
على الحبيتها يابويه انشدنك
بعد يومين وخطبلك
مادري المنايه شلون خطبنك
عمتك وختك تهلهل
يالعريس هل يردن يهننك
يهننك بنات الطرف فرحانات
وادريهن يحبنك
جابن حنتك للبيت
مستحيات خجلانات مالحگن يحننك
كلت بيدك تغسلني
ما ادري ويه المغسل يبعد الروح اغسلنك
وكلت بيدك تجفني
وتالي ويالچفن بيدي اچفننك
وردتك بالگبر تنزل يبويه وياي
متحير يبويه شلون انزلنك
انزلنك امدك باللحد بيدي
وعلى اتراب اللحد يوليدي اوسدنك
اجو ربعك يبويه وگامو ينشدون
وحاير ياجواب انطي
اذا فالح سال عنك
اگله بالنجف مقداد
لا تنشد عليه انگطع كل ظنك
