منـتـظـر الـشـرع

هايروحي شجابرج بس تشتكين
 هسه هم كليلي خانكني العشگ
وهسه هم كليلي باعوج برخيص
الجنتي وياهم توشلين الخلگ
العشك للخالي باله شگد حجيت
 بدمعة التمساح دورتي صدگ
طيب كلبج لا تسلمينه لهواج 
السيف أذا مو كدهه يغمد مايطگ
هو هذا المايعرف الناس زين.
 عد بلايه متون دورتي شبگ
ها يروحي هم تحبين بضمير
 وبعدج تعتبين عالماعنده خل
وبعدج دورين شوگج بالنسيم
وجهج ومگفاج شابع منه ذل
ماتعبتي شگد تحلمين بحبيب
المايداوي جروحه مايگدر يشل
ما تلاگينه الرسمتيه بالخيال
الدنيا غيمه متانيتمن ما يهل
شو خذاج الشيب وانت بلايه ناس
شوگج تعگدينه والعافج يحل
ها يروحي ماتملين النسوج
شجابرج عالشوك وتانينه
صلفه هاي عيونهم ميهزهه شوگ
يصد عليچ بنظره ميحاجينه
لاتلمحين بحنانج من بعيد
التارس أحساسه هجر ناسينه