أثير ألوائلي 

أبراسي أحّس أيطگ جذر سنبله
من أصفن الگه أخضار برويحتچ
گبه أمن أذكرچ يختنگ چم علگ
ويصفر خضاره ويرتوي برايتچ،
لحديثه، [تحدب توگع وتنتكس]
لو قارنتهه بشيبه مو ضحكتچ،
ألطير كون أيحفّي لمّن يـطر
بصف الله توصل للعرش حرمتچ،
أن النَسيمَ أمامَ وَجهُكِ عبرةً
وأمامُ عينيكِ ألسما اشحبت.
الشَمسُ أظلمُ ضوئُها عتمةً
أن يأتي يومٍ وبكِ قورنِـت.
أمن أيمرني هندس ما اهم للضوه
شمس الله تغفه بطرف من شيبتچ.
عشرين عمري وفجأه وتغيّرت.
البگماط اكبر منِي لو قارنت.
چي يمّه اذكر غفله طخّت أدّي
أخويطات معگوده بطرف شيلتچ،
ألدنيا أذكر..تختل بريّتي
لو مرّه طلعت وأسمَعَت حسرتچ.
چم عش يسيّر بيچ وكت العصر.
وچم جنج يخفگ من تفز صفنتچ،
يمّه امن أشمچ أنقهر عالهوه
نسماته كلهه أتشمشم بريّتچ،
بغيابچ أمّي ألعيد مات وبقه
عاشور يفتر دوم بولايتچ،
[يمّي وأتركيه الهجر وأرجعي،
أتنطرك ودّي أفى ودّي بجيچ،
ألغربه بعدك حَوت گلبي واسمعي.
أن الوطن يبحث على خيراته فيچ.
حضنج ييمه اوطان مو بس وطن.
جن وانس والطير يمج لفن
اتغطينه من انام يمه بضلع.
اتغطينه من انموت يمه بجفن.
اذكر ييمه احرگتي دمج علي
جي مره بشتاي الضلوع ابردن
ومرتاح گلبج..لا انسدلج جفن
حد ماغفيت عيونج انت اسهرن
واسهرتي. حد الفجر وانه اگعدت
عيونج شفتهن يمه توهن غفن