محمد الغريب

وليش متاخره عليَّ كل هل السنين
وين چنتي ؟
وليش ما طيفچ إجه وفزَّز صفنتي
وين چنتي ؟
وگبل تسع إسنين مرَّيتي إعله عيني وماوگفتي !
وليش من دگ الجرس ماصارن عيونچ فرصِّتي!
ليش يا أول درس يفترَّض كنتي
وليش من كف العمر هسَّا ظهرتي
وين چنتي ؟
ياملك شيطان وتلبَّس بجثتي!
ويا ألم لف روحه سچين بحسرِّتي … وين چنتي ؟
وليش ماجيتي گبل لا توصَل الفضَّه الگذلتي!
وليش مِن عُبرَت محطاته ركبتي !

وليش فتحَّتي لمَن ذبلت وردتي !
والله لو عندي بخت، چا لمِّچ من إسنين بختي
چان هسَّه دموعي ماكو، وخابصَّه العالم ضحكتي
وچان هسَّه همومي ميته، وعافيه بوجنة فرحتي
ووين جنتي وليش متاخره وصلتي؟؟