سميرصبيح

أحچي وياك وحدي
وانته ما موجود…
وأسولفلك عليَّه…
وانته مو يمي..
واصيح ..
واشتكيلك ..
واصرخ من الآه
ولاچني أشتكيلك .. واحرك بدمي
تلم بيَّه حَطب
لتگلي ألمَّن بيك..
لأن جاسَك برد..
مو كاتلك لمَّي
ولاگلبك عليَّه..
وتحزن إمن أرتاح..
وتغني من الگلب..
من أغرگ بهَّمي
فُصَمة أني
وبس أضوگ الماي
أصعد عالتراب .. الكيَّف بطمي
وأخضر…
ياخضار
وأعله فوگ الگاع..
وينذَّل اليذمِّني..
ويزغر بذمي
بس هيَّه المصيبة..
شوكت أكض الماي..
وافك حلگ القفص
ويطيرن إچلمَّي
وأدلي اعله الطعِّني
وقاصة الاسرار أكسرهه..
وأطش إعله الخلگ ضمي
وأحط حَد للقلق
والخوف
والوهواس…
وأحاسبهه الچفوف
الكثرَّت غمي
گبل شفت الطعني ..
وگلت مو هاذ..
وشفت دمي إعله سيفه
وگلت مو دَّمي
وهسَّه أحچي .. وأگول
ودفله أصير وياه
بالملاگه حلو..؟
وماينقبل شمَّي