ادهم عادل
ينسمة دجلة محتاجچ..
احس الثلج بضلوعي!!
ولا سمره التخط بعيوني كحلتها..
وشسولفلچ على دموعي!!
يبت گاعي!!
تراها ايامي وادم ماصخه اكلتها!!
احن لريحة زنودچ!!
وانذر روحي لعيونچ!!
لَمَن چانت تودّع عيوني
لاخر دمعه وتزتها!!
بعيد آني
وبعيده انتي!!
شفت البحر يوسع مستحه الحلوات!!
بس يضيگ بعيونچ!!
وشفت الليل يلهث مشتهي متونچ!!
وشفت لوني تغير حيل
صار ابيض!!
ولاذاك السمار البي طبع لونچ!!
(اعصري سنين اريد اخلص)!!
اخاف افها بدرب
لو ينمشي بدونچ!!
يملح الجرف زتيني
قصيده لديرة ظنونچ!!
علميني اظل بالطين!!
احس بروحي ماصخ حيل!!
واذا متروس دربي اشجار!!
احب الصحره بچفوفچ!!
لتلوميني ما اصبر
يبت لوني!!
أنه مفارگ وطن بي ريحة زلوفچ!!
ادور بيا ملح والگاچ!!
وأنه شارب بحر عرگان!!
خلص ملحه بيه
وتالي ما اشوفچ!!
كودني حجل تايه..
اريد اخلص تخرخش جوه نفنوفچ!!
لون ادري احط تيزاب بگليبي
واگله انجب ولك من فكر يعوفچ!!
اصلبيني على خدودچ!!
(يشامه التنطي گحلتها )
لجفن دنيا فقيره اتيه وتگودچ!!
ما تندل سمار الگاع
اذا ما رافگت عودچ!!
وأنا بيا حال وتضحكين
ارحمي بحال مگرودچ!!
