قتيبة محمود الغزيلاوي
الدنيا صيف العمر صيف
والشمس حتى الشمس
مطرت مطر فوك الرصيف
الدنيا صيف واني وانته
ثنين لي هسه بعدنه
طيف مشتاق عله طيف
الدنيا صيف ويا حلاتك جلمه
بشفايف جرح ما حمل صمته
ومن صرخ غازلهه سيف
اني خايف مدري ليش
وبيش اصبر روحي بيش
خاف ما ألكاك وذبل
خاف روحي دوم تسأل
خاف حت لوني يتبدل
خاف اضيعن اني بعدك
ورقه باوراق الخريف
الدنيا صيف وكبر جرحي
وبعد ما يحمله لجمه
ويلي هذا الصيف يكتل
بي ابد ماشفنه نسمه
تايهين احنه وتعبنه
وزين بينه اليذكر اسمه
حيل فرتنه الليالي
وبألاخير انكول قسمه
الوكت كضينا تجارب
نسأل واحنا النجاوب
بهل زمان اختلف كلشي
والزمان عيونه تعشي
وكام يركص للغجر
تالي الشريف
الدنيا صيف
