فاضل غضبان
هــا ولك كفيت لو بعدك وراي
يـادهر هيهات تسمع بي تبت
الحزن صب ونته صارت وي صباي
مــا أظن عالضحكه نوبه أتحسرت
خله مطرگ ضيمك أيدگ بـگفاي
ذاك مشيي ولا مشيــت وحنبت
زيده بردك وأعصف اچللي بشتاي
ادفه برواگ العشگ لـو عسمت
يتم أريوگي وإخذ خبزة غداي
من متاع الصبر أكل لــو جعت
اني مفلس من دسومت مشتهاي
وبجليل أسهم الماعنده گمت
أنــه أخدر ظيم ماخدر الچـاي
ولو فرغ ساعات قوريي دخت
صحره وأرمال وهوى وجلد ذراي
وبكتر بيت الشماته مــا لذت
أني معفي بعسري وأشنشطه عفاي
چــلمة أدخيل بحيــاتي ماگلت
سره لزمت ناس عالذله وسراي
أول الناس بسره النخوه صرت
لاتزعلني صعب كلـــش رضاي
أعناد معبار الوذل لــــو عاندت
عندي گوگالله وخبز وبشطي ماي
بدوي وبزاد الخرج لــــو عزبت
أني ثوب العسر ملبوس وغطاي ..
ومتر خام من اليسر ما حصلت
يــادهر تركض عليه أنه شوراي
لــو ثخين الفي علي ما سومرت
أني بس ثوب الشرف چد وعصاي ..
ظامهه لمشي الكبر لــو عجزت
