يوسف محمد السوداني
امي جانت قبل كلشي
امي شمس الله الجبيره
الماعرفنه بيا رجل عالناس تمشي
امي جف الله الحنين
الماشغل روحه ونسانه
امي خلك الله بحنانه
امي “خط جفوفها” انشوفه الصراط
امي ملك الموت ماگرب عليهه !!
ابليس اظن اغتال امي
يدري درب الله بحجيهه
امي وصت بالدفن لو يم غريب
بالگبر تبقه ابعباهه
امي لو شافت رساله
دكول ربي
كون زاجل ماترك عش من وراهه
تجمع امي الماي
يمه هذه للشجره عشاهه
تستاذن وتدخل حديقه
خاف نحله طالع شويه كفاهه
تترخص الحايط اذا جوا تصلي
يمه اذا مغصوب ظله كل عمل ماينقبل
عدها طش الماي حرمه
يغرك بيوت النمل
